ថ្ងៃចន្ទ ២រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែកក្កដា ឆ្នាំ២០២៤ លោក មាន ម៉ិក និងកញ្ញា  ស៊ា សុភី មន្ត្រីអនុវត្តគម្រោងនើឆ័រ បានចុះបណ្តុះបណ្តាលបច្ចេកទេសស្តីពី៖ ការជ្រើសរើសពូជ និងការរៀបចំដី  (ជំហ៊ានទី២)​ ដល់ក្រុមកសិករដាំបន្លែ នៅភូមិបាក់នឹម សង្កាត់សំរោង  ក្រុងសំរោង  ដោយមានកសិករចូលរួមសរុបចំនួន២០នាក់ ស្ត្រី០៥នាក់ វគ្គបណ្តុះបណ្តាលនេះរៀបចំឡើងក្នុងគោលបំណង៖

- ដើម្បីឱ្យកសិករយល់ដឹងកាន់តែច្បាស់ ពីបច្ចេកទេសក្នុងជ្រើសរើសពូជបន្លែដែលមានគុណភាព ទិន្នផលខ្ពស់ និងមានតម្រូវការទីផ្សា ។

- ដើម្បីឱ្យកសិករយល់ដឹងកាន់តែច្បាស់​ ពីបច្ចេកទេសក្នុងការរៀបចំដី សម្រាប់ធ្វើការដាំដុះដំណាំបន្លែ ដែលបន្សាំទៅនិងការប្រែប្រួលអាកាសធាតុ ។​

+លទ្ធផលសម្រេចបាន

- បានធ្វើតេស្តសំនួរសាកល្បងសមត្ថភាពចំណេះដឹង មុនវគ្គបណ្តុះបណ្តាល ដល់ក្រុមកសិករ  សរុបលទ្ធផលធ្វើតេសមុនវគ្គបណ្តុះបណ្តាល កសិករមានការយល់ដឹងប្រមាណជា៣០-៤០%​ 

- បានរំលឹកឡើងវិញពីការប្រជុំផ្សព្វផ្សាយគម្រោងលើកទី១ កសិករមានការចងចាំបាន៧០%​

- កសិករយល់ច្បាស់ពីប្រភេទពូជប្រពៃណី និងពូជបង្កាត់

- ចេះធ្វើការជ្រើសរើសប្រភេទពូជដំណាំ ដែលមានគុណភាព សម្រាប់ការដាំដុះ (ពូជដែលមានព្រភពច្បាស់លាស់ មានការវិចខ្ចប់ត្រឹមត្រូវ នឹងមានការចុះបញ្ជីការទទួលស្គាល់ពីក្រសួងកសិកម្ម)

- យល់ដឹងច្បាស់ពីព័ត៌មាននៅលើសំបកវេចខ្ចប់ពូជដំណាំ

- យល់ដឹងពីបច្ចេកទេសក្នុងការរៀបចំដីសម្រាប់ដាំបន្លែ

- យល់ដឹងពីប្រភេទដីដែលសមស្របសម្រាប់ដាំដំណាំបន្លែ (ដីល្បាយខ្សាច់) និងPH ដីសមស្របចន្លោះពី៥,៥ - ៦,៥

- ភ្ជួរ​ រាស់បំបែកដីឱ្យម៉តល្អ ចំនួន២-៣ដង ហើយហាលដីឱ្យបាន១០-១៥ថ្ងៃ មុនធ្វើការលើករងដាំ

- យល់ដឹងពីប្រភេទកំបោកសិកម្ម និងអត្ថប្រយោជន៍របស់វា  និងកម្រិតនៃការប្រើប្រាសគឺ ៤០-៥០គ.ក/១០០០ម៉ែត្រការ៉េ  ។

- ចុះមើលទីតាំងដីដែលបានភ្ជួរលើកទី១ត្រៀមសម្រាប់ធ្វើចម្ការបង្ហាញ

+ ផែនការបន្ត

- ចុះបណ្តុះបណ្តាលជំហានទី ៣ និងតាមដានលើដំណើរការរៀបចំធ្វើចម្ការបង្ហាញ ។