ថ្ងៃអង្គារ ៥កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែឧសភា ឆ្នាំ២០២០ លោក មាន ម៉ិក មន្រ្តី អនុវត្តគម្រោងឈេន បានចុះវាយតម្លៃសុវត្ថិភាពទីតាំងដាំដុះ និងផ្ទៀងផ្ទាត់លក្ខខណ្ឌសុវត្ថិភាព និងរៀបចំប្លង់ចម្ការCAM GAP  របស់ កសិករ ម៉េង សារុន នៅភូមិគោកចាន់រី សង្កាត់កូនក្រៀល ក្រុងសំរោង ដែលមានសកម្មភាព និងលទ្ធផល
សម្រេចបាន ដូចខាងក្រោម៖ 
+ សកម្មភាព
- ចុះពិនិត្យក្នុងចម្ការ និងបានបែងចែកប្លង់ទៅតាមប្រភេទដំណាំនីមួយៗ  
- ប្លង់ចម្ការមាន៣ប្លង់ និងបានចែក៣មុខដំណាំផ្សេងៗគ្នា 
- ប្លង់ទី១ មានផ្ទៃដីទំហំ ២០ម×២៥ម ដាំដំណាំសណ្តែកកួរ 
- ប្លង់ទី២ មានផ្ទៃដីទំហំ ៤០ម×២៥ម ដាំដំណាំ ត្រសក់ទ្រើង 
- ប្លង់ទី៣ មានផ្ទៃដីទំហំ ២០ម×៣០ម ដាំដំណាំប៉េងបោះ 
+ បានធ្វើការវាយតម្លៃសុវត្ថិភាពទីតាំងដាំដុះ មានដូចខាងក្រោម៖ 
- ការគ្រប់គ្រង និងប្រវត្តិទីតាំងចម្ការ 
- ការវាយតម្លៃហានិភ័យទៅលើទឹកស្រោចស្រព 
- ប្រភេទជីដែលបានប្រើប្រាស់លើដំណាំ
+ ការផ្ទៀងផ្ទាត់លក្ខខណ្ឌសុវត្ថិភាពកសិករ 
- ការគ្រប់គ្រង និងប្រវត្តិទីតាំងចម្ការដាំដុះ 
- វិសាលភាពនៃផលិតកម្ម 
- ការវាយតម្លៃទៅលើប្រភពទឹកស្រោចស្រព 
- សុវត្ថិភាពនៃការប្រើប្រាស់ថ្នាំកសិកម្ម 
- កំណត់ត្រាលើការប្រើប្រាស់ជី
- សុវត្ថិភាពនៃការប្រើប្រាស់ជី (លាមកសត្វ និងជីគីមី) 
- សុវត្ថិភាពក្នុងការប្រើប្រាស់ថ្នាំកសិកម្ម 
- ការរក្សាទុកដាក់ថ្នាំកសិកម្ម 
- ការលាងសម្អាតក្រោយពេលប្រមូលផល 
- ការធ្វើអនាម័យផ្ទាល់ខ្លួន 
- របងការពារសត្វពាហនៈ ចូលទៅក្នុងចម្ការ និងកន្លែងវេចខ្ចប់ 
- សកម្មភាពក្រោយពេលប្រមូលផល 
ចំពោះស្ថានភាពក្នុចម្ការជាកស្តែង គឺមានប្រភេទបន្លែ 
- ត្រប់ស្រួយ និងត្រប់វែង ក្នុងផ្ទៃដីទំហំ ៦០ម×៤០ម កំពុងធ្វើការប្រមូលផលរាល់ថ្ងៃ 
- ដំណាំសណ្តែកកួរ ក្នុងផ្ទៃដីទំហំ ២០ម×២៥ម ទើបដាំបានរយៈពេល ២០ថ្ងៃ 
- ដំណាំត្រសក់ផ្អែម ក្នុងផ្ទៃដីទំហំ ៤០ម×៨០ម ទើបធ្វើការប្រមូលផលបានចំនួន២០០០គីឡូក្រាម 
+ ជាលទ្ធផលសម្រេចបាន 
សម្រាប់ចម្ការរបស់កសិករ ម៉េង សារុន យោងតាមរយៈការចុះវាយតម្លៃ និងធ្វើការផ្ទៀងផ្ទាត់ ជាមួយនឹងលក្ខខណ្ឌសុវត្ថិ ភាពស្តង់ដាចម្ការ CAM GAP គឺនូវមានចំណុចត្រូវកែលម្អរជាច្រើនទៀតដូចជា៖ 
- សម្ភារ និងសំណល់កសិកម្ម គឺនូវមានរាយប៉ាយក្នុងចម្ការ 
- ស្ថានភាដី មិនទាន់ស្មើល្អ 
- ប្រភពទឹកស្រោចស្រព
- កម្រិត PH ដីនៅមិនទាន់មានតុល្យភាព
- របងការពារចម្ការ ...ល.។ 
បើតាមការវាយតម្លៃជាក់ស្តែង ចម្ការរបស់កសិករ ម៉េង សារុន អាចចាត់ចូលជាចម្ការ CAM GAP បានប្រមាណ ៥០% ។ ដូច្នោះក្រុមការងា នឹងជួយជម្រុញបន្ថែមនូវចំណុចដែលខ្វះខាត់មួយចំនួនទៀត ដើម្បីឱ្យចូលជាស្តង់ដាចម្ការ CAM GAP ។