ថ្ងៃពុធ  ០៦រោច ខែបុស្ស ឆ្នាំកុរ ឯកស័ក ព.ស ២៥៦៣  ត្រូវនិងថ្ងៃទី១៥ ខែមករា ឆ្នាំ២០២០ លោក មាន ម៉ិក អនុប្រធានការិយាល័យក្សេត្រសាស្ត្រ និងផលិតភាពកសិកម្ម និងលោក សែន សុខា   មន្ត្រីការិយាល័យផែនការ-គណនេយ្យ  បានសហកាជាមួយលោក សេ សុខហេង     មន្ត្រីការិយាល័យកសិកម្មស្រុកបន្ទាយអំពិល   បានចុះវាស់ស្ទង់ទិន្នផលដំណាំដំឡូងមី នៅស្រុកបន្ទាយអំពិល ដែលមានសកម្មភាព និងលទ្ធផលសម្រេចបានដូចខាងក្រោម៖ 
+ សកម្មភាព 
- ចុះកំណត់ទីតាំងសំណាក
- កំណត់យក៣សំណាកក្នុង១ចម្កា 
- ទំហំសំណាកគឺ៥គុម្ព ក្នុង១ជួរ  យកចំនួន២ជួរ 
- កាត់ដើមដំឡូងមី 
- វាស់ទំហំក្រឡាផ្ទៃសំណាកនីមួយៗ (ម២) 
- ដកមើមដំឡូងដោយដៃ ឬប្រើឧបករណ៍ជំនួយ
- កាត់មើមចេញពីដើដំឡូង
- ធ្វើការសំអាតមើមដំឡូង 
- ថ្លឹងទម្ងន់មើមដំឡូងមី 
- និងកត់ត្រាបញ្ជូលក្នុងតារាងទិន្នន័យ 
+ ជាលទ្ធផលសម្រេចបាន 
សម្រាប់ការចុះវាស់ស្ទង់ទិន្នផលដំណាំដំឡូងមីនៅស្រុកបន្ទាយអំពិល   សម្រេចបាន ចំនួន០២ឃុំ   ( ឃុំអំពិល និងឃុំគោកខ្ពស់) បានចំនួន២កសិករ មានដូចខាងក្រោម៖ 
១- កសិករ ចាយ ចាន់ (ប)  នៅភូមិចារ ឃុំអំពិល ស្រុកបន្ទាយអំពិល  មានផ្ទៃដីចម្កា១ហិកតា យកចំនួន៣សំណាក 
- សំណាកទី១ ផ្ទៃក្រឡាដីទំហំ៧,៨៣ម៉ែត្រការ៉េ  មានទម្ងន់មើម ១៤គីឡូក្រាម 
- សំណាកទី២ មានផ្ទៃក្រឡាដីទំហំ ១១,៥៥ម៉ែត្រការ៉េ  មានទម្ងន់មើម៣៦,៥ គីឡូក្រាម 
- សំណាកទី៣ មានផ្ទៃក្រឡាដីទំហំ៨,៨ ម៉ែត្រការ៉េ  មានទម្ងន់មើម២៧ គីឡូក្រាម 
 និងទិន្នផលដំណាំដំឡូងមីជាមធ្យមក្នុង១ហិកតា ស្មើ ១៩,៥០០គីឡូក្រាម ។ 
២- កសិករទី២ ឆើត ដូង  (ប) នៅភូមិស្រះស្រង់  ឃុំគោកខ្ពស់ ស្រុបន្ទាយអំពិល  មានផ្ទៃដីចម្ការ១ហិកតា ចុះយកសំណាកចំនួន៣សំណាក ដូចខាងក្រោម ៖ 
- សំណាកទី១ មានផ្ទៃក្រឡាដីទំហំ៧,៩២ ម៉ែត្រការ៉េ  មានទម្ងន់មើម១៧គីឡូក្រាម 
- សំណាកទី២  មានផ្ទៃក្រឡាដីទំហំ ៧,៥ ម៉ែត្រការ៉េ  មានទម្ងន់មើម២២,៥ គីឡូក្រាម 
- សំណាកទី៣ មានផ្ទៃក្រឡាដីទំហំ៥,៧៥ ម៉ែត្រការ៉េ  មានទម្ងន់មើម១៨,៥ គីឡូក្រាម 
និងទិន្នផលជាមធ្យមក្នុង១ហិកតាស្មើ ២៧,៤០០គីឡូក្រាម ។