នៅថ្ងៃអាទិត្យ ១៤រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែតុលា ឆ្នាំ២០១៩ លោក ឡៅ ចាន់សារុន មន្រ្ដីអនុវត្តគម្រោងឈេន បានចុះរៀបចំទិវាចម្ការស្ដីពី ដំណើការនៃការរៀបចំផ្ទះប្លាស្ទិក នៅផ្ទះកសិករ យ៉ន ចន្នី ស្ថិតក្នុងភូមិសន្តិភាព ឃុំត្រពាំងប្រីយ៍ ស្រុកអន្លង់វែង ។
+សមាសភាព
  - លោក យិន ដាច់ មេភូមិសន្តិភាព
  - កសិករចូលរួមចំនួន ១៧ នាក់ ស្រីចំនួន ០៦នាក់។
+ គោលបំណង
  - ផ្ដល់ចំណេះដឹងដល់អ្នកចូលរួមអំពីផ្ទះប្លាស្ទិកគំរូថ្មី(សង់អំពីឈើ និងឬស្សី ប្រក់ដំបូលប្លាស្ទិក)
  - ផ្សព្វផ្សាយពីអត្ថប្រយោជន៍នៃផ្ទះប្លាស្ទិក 
+សកម្មភាព
  - ជាកិច្ចចាប់ផ្តើម ខ្ញុំបាទបានធ្វើការណែនាំ បង្ហាញពីគោលបំណងនៃទស្សនៈកិច្ចសិក្សារំលឹកកសិករឲ្យស្គាល់ពីឈ្មោះគម្រោង ម្ចាស់ឧបត្ថម្ភគម្រោង សារៈប្រយោជន៍ការបង្កើតគម្រោង ទិសដៅរបស់គម្រោង ។
 - ចំណាប់អារម្មណ៍ និងមតិសំណេះសំណាលរបស់ យិន ដាច់ មេភូមិសន្តិភាព។
 - បង្ហាញពីដំណើរការរៀបចំតំឡើងរោង
 - គណនាទំហំរបស់រោង និងសម្ការដែលត្រូវប្រើប្រាស់ក្នុងការរៀបចំតំឡើងរោង
 - គណនាផ្ទៃដីសម្រាប់ការដាំដំណាំបន្លែ
 - គណនាថ្លៃដើមក្នុងការសាងសង់ 
 - អនុវត្តន៍រៀបចំតម្លើងរោង និងប្រក់ដំបូលរោង
 - ចូលរួមហូបអាហារសាមគ្គី
+ លទ្ធផល
  កសិករចូលរួមទទួលបានចំណេះដឹងពី៖
 - ដំណើរការក្នុងការរៀបចំតំឡើងផ្ទះប្លាស្ទិក
 - អត្ថប្រយោជន៍នានានៃផ្ទះប្លាស្ទិក 
 - ថ្លៃដើម ឬតម្លៃសរុបក្នុងការសាងសងផ្ទះប្លាស្ទិក
 - ការជ្រើសរើសមុខដំណាំសមស្របនឹងផ្ទះប្លាស្ទិក
 - និងបន្តការផ្សព្វផ្សាយបន្ថែមពីផ្ទះប្លាស្ទិកគំរូថ្មី សមស្របនឹងកសិករក្នុងការចំណាយថ្លៃដើមតិច។