ថ្ងៃពុធ ១៥កើត ខែផល្គុន ឆ្នាំច សំរឹទ្ធិស័ក ព.ស.២៥៦២ត្រូវថ្ងៃទី២០ ខែមីនា ឆ្នាំ២០១៩ ការិយាល័យកសិឧស្សាហកម្ម បានបើកវគ្គបណ្តុះបណ្តាលផ្សព្វផ្សាយលិខិតបទដ្ឋានស្តីពី ផលិតកម្មកសិកម្មតាមកិច្ចសន្យា នៅភូមិគោកឈូក សង្កាត់កូនក្រៀល ក្រុងសំរោង ដែលមានសិក្ខាកាមចូលរួមសរុប ២៧នាក់ ស្ត្រី ១០នាក់ មានគណៈកម្មាធិការ ចំនួន០៥សហគមន៍។ 

+គោលបំណង

      -អំពីនីតិវិធីច្បាប់អនុវត្តផលិតកម្មកសិកម្មតាមកិច្ចសន្យា

      -ការតភ្ជាប់ទំនាក់ទំនងរវាងភាគីអ្នកលក់ និងអ្នកទិញ

      -ការជ្រើសរើសដំណាំដែលមានសក្តានុពលនៅក្នុងមូលដ្ឋានរបស់សហគមន៍កសិកម្មផ្ទាល់

      -ដើម្បីឱ្យផលិតផលកសិផលមានតម្លៃនៅលើទីផ្សារ

      -ដើម្បីជំរុញការដាំដំណាំកសិឧស្សាហកម្មឱ្យមានការកើនឡើង

      -រៀបចំផែនការសកម្មភាព និងលទ្ធផលការងារនាឆ្នាំកន្លងទៅ

      -ប្រមូលស្ថិតិផ្ទៃដីស្រែ និងផ្ទៃដីចំការរបស់សមាជិកនិមួយៗ

+សកម្មភាព

      ធ្វើបទបង្ហាញអំពីសារសំខាន់នៃការអនុវត្តផលិតកម្មកសិកម្មតាមកិច្ចសន្យារវាងអ្នកផលិត និងអ្នកទិញ ។

      សិក្ខាកាមទាំងអស់បានពិភាក្សាពីលំហូរនៃព័ត៌មានទីផ្សារ និងតម្លៃរបស់ស្រូវ និងដំឡូងមី ជាពិសេសផ្លែស្វាយ និងស្វាយចន្ទី។

+បញ្ហាផ្សេងៗ

      -ដីស្រែកសិករ មិនមួយចំនួនធំមិនទាន់បានរៀបចំស្អាតនៅឡើយ

      -ប្រើប្រាស់ពូជស្រូវមិនសុទ្ធល្អ

      -ផ្លូវដឹកជញ្ជូនពិបាក

      -ដំឡូងមានកើតជំងឺ ,ខ្វះដើមពូជ

      -ខ្វះប្រព័ន្ធទឹកស្រោចស្រព ។