១/លោក សូត្រ ស៊ីសុខឃាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ និងសហការី បានចុះពិនិត្យការងារ ដាំកូនចេកតាមប្រព័ន្ធដំណក់ទឹក និង ការសាងសង់ ប្រព័ន្ធទ្វារទឹក រួមទាំងការប្រមូលផលបន្លែសរីរាង្គ ដែលមន្រ្តីជំនាញ ក្សេត្រសាស្រ្ត បានអនុវត្តនៅស្ថានីយ៍កសិកម្មកូនក្រៀល។
២/ការិយាល័យផែនការ-គណនេយ្យ បានសហការជាមួយមន្រ្តីការិយាល័យកសិកម្មស្រុកបន្ទាយអំពិល បានបើកវគ្គបណ្តុះបណ្តាលស្តីពីវិធីសាស្រ្តស្វែងរកទីផ្សារ ដែលស្ថិតនៅភូមិគោកឳឡោក ឃុំអំពិល ស្រុកបន្ទាយអំពិល ដែលមានអ្នកចូលរួមសរុប ៤១នាក់ ស្រី ៣៦នាក់។
គោលបំណងនៃវគ្គបណ្តុះបណ្តាលនេះគឺ:
១. ឲ្យគាត់មានជំនាញបច្ចេកទេសដាំដុះបានល្អ គ្រប់រដូវកាល
២. ចេះលៃលកពេលដាំដុះ
៣. ចេះពីបច្ចេកទេសមុន និងក្រោយពេលប្រមូលផល
៤. ដឹងពីព័ត៌មានទីផ្សារ (តម្រូវការផលិតផល, តម្លៃផលិតផល, សេវាកម្មក្នុងការផ្តល់ព័ត៌មានទីផ្សារ) ។
៥. ឲ្យកសិករចេះរកតម្លៃថ្លៃដើម(ដំឡូងមី ស្រូវ នឹងបន្លែ )ក្នុងមួយគីឡូក្រាម ដើម្បីឲ្យពួកគាត់សម្រេចចិត្តបានត្រឹមត្រូវក្នុងការលក់ផលិតផល ។
៣/ មន្រ្តីអនុវត្តក្នុងគម្រោង CHAIN បានចូលរួមជាមួយក្រុមហ៊ុន អ៊ីស្ត-វេស្ត ស៊ីដ (ខេមបូឌា) ខមភេនី លីមីធីត ក្នុងពិធីដាក់ឱ្យប្រើប្រាស់ មិត្តកសិករដាំ បន្លែ នៅភូមិភ្លង់ថ្មី សង្កាត់បុស្បូវ ក្រុងសំរោង ដោយមានអ្នកចូលរួម៤៧នាក់ ស្រី៣៣នាក់ ។
+គោលបំណង
ដើម្បីជួយគាំទ្រដល់ការរៀនសូត្រផ្ទាល់អំពីបច្ចេកទេសដាំបន្លែរបស់កសិករខ្នាតតូចនៅកម្ពុជា East west Seed បានសហការជាដៃគូជាមួយអង្គការ Swisscontact រៀបចំឱ្យមាន (ពិធីដាក់ឱ្យប្រើប្រាស់មិត្តកសិករដាំបន្លែ)
នៅភូមិចំនួនប្រាំ (០៥) ផ្សេងៗគ្នា ក្នុងខេត្តឧត្តរមានជ័យ ។
+លទ្ធផល
-កសិករឈ្មោះ លោក ឈុន ហៀ បានក្លាយមិត្តកសិករ នៅភូមិភ្លង់ថ្មី សង្កាត់បុស្បូវ ក្រុងសំរោង ជោគជ័យ លើដំណាំត្រសក់ទ្រើង និងសណ្តែកកួរ
-កសិករផ្សេងៗទទួលបានចំណេះដឹង
បន្ថែមលើការដាំបន្លែ និងមានភាពជឿ ជាក់ការដាំបន្លែជាមុខរបរ បន្ថែមក្នុងគ្រួសារ និងទទួលបានសុខភាពល្អ ។
